Përmbyllja e muajit Ramazan me nxënësit e Akademisë së Kur’anit “Hifdh Kids”
Atmosfera e këtij muaji të bekuar ishte e veçantë në Akademinë “Hifdh Kids”.
Iftaret ishin më të veçanta, sepse shumica e fëmijëve të artë të kësaj Akademie, agjëronin….
Jo vetëm që agjëronin, por e ndjenin përjetimin që e dhuron agjërimi….
Fytyrat e bukura të femijëve te zbukuruara edhe më shumë me buzëqeshjen e tyre nuk na munguan çdo natë….
Leximi i Kur’anit, përsëritja e sureve, hatmeja grupore ishin pjesë kyçe e planprogramit ditor të secilit nxënës me ndihmën e dy muhafizeve: Hfz. Rineta Nitaj dhe Hfz. Fatime Nitaj.
Çdo ditë nuk mungonin as videomesazhet nga nxënësit, mesazhe këto që pasqyronin realitetitin e përditshëm të modelit të një fëmije musliman.
Teravitë ishin më të ëmbla, sepse me faljen e tyre u sfiduan një numër i madh nxënësish, të cilët e realizuan me sukses dhe dëshirë të madhe….
Po e përmbyllim këtë muaj…!
Po e përmbyllim me duanë nga zemra:
O Allah, na fal, se Ti je Falës dhe e don faljen!
O Zot na bëj prej njerezve, me punen dhe veprat e të cilëve Ti mbi të gjithë je i kënaqur!
O Zot, na gëzo me pritjen e lajmit të bukur edhe vitin tjetër: Pritjen e një muaji të bekuar si ky – muajit Ramazan!
